ASOSIY VOSITALAR TUSHUNCHASI VA ULARNING IQTISODIY AHAMIYATI

Abstract

Asosiy vositalar korxona iqtisodiy faoliyatining eng muhim tarkibiy qismlaridan biri bo‘lib, ishlab chiqarish jarayonining moddiy-texnik bazasini tashkil etadi. Ular uzoq muddat davomida korxona faoliyatida ishtirok etadi va o‘z qiymatini ishlab chiqarilgan mahsulot yoki ko‘rsatilgan xizmat tannarxiga asta-sekin o‘tkazadi. Asosiy vositalar iqtisodiyotning barcha tarmoqlarida: sanoat, qishloq xo‘jaligi, qurilish, transport va xizmat ko‘rsatish sohalarida muhim rol o‘ynaydi. Ularning mavjudligi va samarali ishlatilishi korxonaning ishlab chiqarish quvvati, raqobatbardoshligi va moliyaviy barqarorligini belgilaydi.