BIZNESNI RIVOJLANTIRISHDA BANK KREDITINI AHAMIYATI

Abstract

Bozor iqtisodiyoti sharoitida biznes subyektlarining barqaror rivojlanishi va raqobatbardoshligini ta’minlash muhim iqtisodiy masalalardan biri hisoblanadi. Ayniqsa, kichik va o‘rta biznes faoliyatini kengaytirish, ishlab chiqarish hajmini oshirish hamda yangi innovatsion loyihalarni amalga oshirishda moliyaviy resurslarga bo‘lgan ehtiyoj ortib bormoqda. Shu nuqtai nazardan, bank kreditlari tadbirkorlik faoliyatini qo‘llab-quvvatlovchi asosiy moliyaviy manbalardan biri sifatida muhim ahamiyat kasb etadi. Bank kreditlari orqali korxonalar aylanma mablag‘larini to‘ldirish, asosiy vositalarni yangilash, zamonaviy texnologiyalarni joriy etish hamda ishlab chiqarish samaradorligini oshirish imkoniyatiga ega bo‘ladi. Bundan tashqari, kredit resurslari biznesning investitsion faolligini rag‘batlantirib, yangi ish o‘rinlarini yaratish va iqtisodiy o‘sishni ta’minlashga xizmat qiladi. Shuningdek, tijorat banklari tomonidan taqdim etilayotgan kredit siyosati va shartlari biznes subyektlarining moliyaviy barqarorligi va risklarni boshqarish jarayonlariga ham sezilarli ta’sir ko‘rsatadi. Shu bois, biznesni rivojlantirishda bank kreditlarining o‘rni va ahamiyatini ilmiy jihatdan o‘rganish dolzarb masalalardan biri hisoblanadi.