YANGI MAHSULOTNI ISHLAB CHIQARISHGA JORIY ETISHDA STRATEGIK QARORLAR QABUL QILISH

Abstract

Bugungi globallashuv jarayonida iqtisodiyotning barcha tarmoqlarida raqobat keskinlashib borayotgan bir sharoitda korxonalar oldida turgan eng muhim vazifalardan biri bu yangi mahsulotlarni ishlab chiqish va ularni ishlab chiqarishga samarali joriy etishdan iboratdir. Bozor iqtisodiyoti sharoitida iste’molchilarning ehtiyojlari tez o‘zgarib borishi, texnologik innovatsiyalarning jadal rivojlanishi hamda xalqaro bozorlarning ochiqligi korxonalarni doimiy ravishda yangilikka intilishga majbur qilmoqda. Shu nuqtai nazardan yangi mahsulotlarni ishlab chiqarishga joriy etish jarayonida strategik qarorlar qabul qilish korxona faoliyatining barqarorligi va raqobatbardoshligini ta’minlashda hal qiluvchi ahamiyat kasb etadi.