FINTEK KOMPANIYALARI VA ULARNING YOSHLAR MOLIYAVIY TA`LIMIDAGI ROLI

##article.abstract##

Annotatsiya. Mazkur maqolada fintek (moliyaviy texnologiyalar) kompaniyalarining yoshlar moliyaviy savodxonligini oshirishdagi o‘rni va ahamiyati tahlil qilinadi. Raqamli transformatsiya sharoitida yosh avlodning moliyaviy bilim va ko‘nikmalarini rivojlantirish muhim masalaga aylangan. Fintek kompaniyalari mobil ilovalar, onlayn to‘lov tizimlari, budjetni boshqarish platformalari va investitsiya xizmatlari orqali yoshlarning moliyaviy qarorlar qabul qilishiga bevosita ta’sir ko‘rsatmoqda. Maqolada fintek xizmatlarining qulayligi, interaktivligi va real vaqtli axborot taqdim etish imkoniyatlari yoshlarning moliyaviy xatti-harakatlariga qanday ta’sir qilayotgani statistik ma’lumotlar va real misollar asosida yoritilgan. Shuningdek, ba’zi fintek kompaniyalarining moliyaviy ta’lim bo‘yicha olib borayotgan loyihalari va ularning samaradorligi tahlil qilinadi. Tadqiqot natijalari shuni ko‘rsatadiki, fintek sektori moliyaviy savodxonlikni oshirish bo‘yicha an’anaviy ta’lim usullarini to‘ldiribgina qolmay, balki ularni yanada innovatsion va interaktiv shakllarga aylantirmoqda. Fintek kompaniyalari yoshlar o`rtasida moliyaviy bilimni yanada oshirsh maqsadida, turli xil tadbir va moliyaviy bilim bo`yicha olimpidalar olib bormoqda.