PEDAGOGIK TEXNOLOGIYALARDAN TA’LIM-TARBIYA JARAYONLARIDA SAMARALI FOYDALANISH

Abstract

Annotatsiya:  Pedagogda  shakllangan  bilim,  ko‘nikma,  malaka,  o‘qitish 
vositalari,  zamonaviy  pedagogik  texnologiyalar  imkoniyatlarini  maqsadga  muvofiq 
yo‘naltira olish qobiliyatlari mavjud bo‘lib, u davlat ta’lim standartlari asosida ta’lim 
oluvchiga  aniq  maqsadini  belgilab  beradi.  Bu  esa,  o‘z  navbatida,  pedagogik 
texnologiyalarni qo‘llash rejasini ishlab chiqishga, ya’ni vazifalarini belgilab olishga 
olib keladi.Professional ta’lim muassasalarida o’qitilayotgan fanlar fundamental bilim 
berish  orqali  o’quvchilarning  ilmiy  dunyoqarashini  va  falsafiy  mushohada  yuritish 
qobiliyatini rivojlantirish, nazariya hamda amaliyotning dialektik bog’liqligini ochib 
berish, idrok etish qobiliyatini oshirish, olgan bilimlarini hayotga, xalq xo’jaligining 
tarmoqlari uchun  tatbiq  etish, ta’lim  olishni  davom  ettirish  uchun  zamin  yaratishni 
ta’minlashdan iborat. Noana’naviy o’qitish metodlaridan dars jarayonida va darsdan 
tashqari  vaqtlarda  foydalanish  o’qituvchidan  yuksak  mahoratni  talab  etadi.  Dars 
tushunarli,  qiziqarli  bo’lishi  uchun  o’quv  materiallarini  saralash,  o’quv  jarayonini 
loyihalashtirish hamda o’quv jarayoniga tegishli bo’lgan turli topshiriqlarni bajarish 
uchun  tavsiyalar  berish  zarur.  Nazariy  va  amaliy  mashg’ulotlar  o’tkazishda  yangi 
adabiyotlardan  foydalanish  bilan  bir  qatorda  internet  ma’lumotlari  va  elektron 
kitoblardan foydalanish fanlar ta’limi darslari samaradorligini yanada oshiradi. Buning 
uchun  esa  o’qituvchining  o’zi  noan’anaviy  o’qitish  metodlaridan  bilim,  malaka  va 
ko’nikmalarga ega bo’lishi talab etiladi.